غرام اطفال

غرام أطفال جمعنا وكنا بالشعور كبار
... وفا قلبي مثل ماتوفي العشاق أو أكثر

أحب بجد ماألعب مثل منهم في سني صغار
... ولا أذكر قلبي لو مره معاها كذّب أو قصّر

في ذاك الوقت ماأكتب ولكن أحفظ الأشعار
... عشان اعجابها فيني يزيد ويصبح الاكبر

حفظت لخالد الفيصل قصيدة ياغريب الدار
... وديوان البدر كله عشان أتعلم وأبحر

بنيت لحبها قصر عظيم وعالي الاسوار
... ولا فكرته بيوم علي ذا الحب يتدمر

غرام كنت له شاري وباع بأخر المشوار
... أنا عقب الغدر هذا أنا وشلون ماأتأثر

بكيت بيوم فرقاها تقل بين الحنايا نار
... وكني فاقد الدنيا ولاني قادر اتصبر


أبتأسف أنا لقلبي عسي يتقبل الأعذار
... لأني صدق ذليته وعذري حيل متأخر