رواية بنات البدو وشباب الرياض ((حقيييقييييه))؟؟

يسعد لي مساكم هالقصه واقعيه وليست من نسج الخيال صارت لبنات بعمر الزهور مابين 20-24

اترككم مع احداث هالقصه:

اول شخصيه في القصه:شيهانه\\البنت هذي نفسها عند خشمها ومغروره لاقصى

درجات الغرور بس بنفس الوقت قلبها طيب ورومانسيه لدرجة الجنوون لقبها بالشله(كووين)

ثاني شخصيه:الهنوووف \\حساسه وانانيه كل شي تحبة لنفسها تحب تكوون

البارزه بالشله تشبه شيهانه بالرومانسيه البنت هذي يتيمه الاب

ثالث شخصيه:هيفا\\طيبه بقووووه وخياليه بشكل مجنوون تتاثر بالافلام الرومانسيه

وتعيش قصتها بس عيبها السر مايجلس ببطنها ابد لقبها بالشله لاكي قيرل

رابع شخصيه:دانا\\الاخصائيه الاجتماعيه للشله اي وحده عندها مشكله تلجا لها

وتساعدها هالبنت اللي بقلبها بلسانها بس اذا شالت على احد شالت مافيه امل

ابد ترجع لها مثل اول

خامس شخصيه:مهره هذي اخت شيهانه قلبها طيب مرررره وحساسه وماتحب

اي وحده من الشله تزعل من الثانيه لقبها بيبي فيس

هالبنات مو صديقات بس قريبات لبعض تربط بينهم صلة ولاهم بنات عز زي الروايات

الثانيه ولاعايشات بقصور كلهن حالتهن الماديه متوسطه ولا فيه وحده منهن سافرت

للخارج حدهن الدول العربية ويحمدن ربهن البنات مايلبسن عباية كتف ابد بديرتهن

الا اذا طلعن برا مثلآ اذا راحن للرياض او الخبر ولاتسالوني ليش؟

شيهانه(بنات ليش الله ماخلانا نعيش بالرياض عشان نكحل عيوننا بالطخمان مو هالديره

اللي عايشين فيها مافيه واحدن اطخم كلهم شيف الله يلوع كبودهم لا وطايحين

بهالكوبرا قولي ستارة وراه)

البنات:ههههههههههههههههههههه احسن شيهانه ربي راحمنا والا كان علووووم

شيهانه:اقول بنات مالنا الا سوقنا اقول وش رايكن ننحاش لنا ساعه دام ماحد حولنا

ونرجع

البنات:والله ماهي شينه

شيهانه:طيب تجهزن وباحاكي السواق جعله العمى كانه ناشب ولايبي يطس لديرته

عشان نغيره

مهره>>>اعقل بنت بالشله ولاتهمها التليفونات ولا شباب دايم تنصح هالبنات بس

ماهن حولها ابد فقالت لنفسها(اجاريهن عشان اعرف كل شي عنهن والا يسون

هالامور من وراي دايم مستمعه للبنات اذا كلمن )

مهره:انتن يالعفنات لاحد يتبرج ويكحل عينه ترى امهات عوينه قدامكن(معنى هالجمله

يعني الرادارات بنات الجماعه قدامنا بالسوووق)

شيهانه والهنووف كانهن ماسمعن شي يلبسن البراقع اللي تطلع نص الخدود ويكحلن

عيونهن

هيفا ماهمها الا الجزمه وش هي اللي تلبسها اهم شي مريحه هالبنت عليها مشيه

كانها ناصر القصبي في مسلسل طاش ماطاش لما مثل دور هيجا

دانا:تتاثر من كلام مهره ولاتحب تتبرج زي البنات الباقيات نص عاقله يعني

طلعن البنات وركبن مع السووواق ولما وصلن السوووق ماشافن الا اطخمين واحد

صاحب محل كان مغرور وشايف نفسة وجالس يدخن برا المحل هالولد(معروف عند

البنات لانه اطخم وصاحب محل بس ماكان يتنزل ولا لوحده)

الاطخم الثاني كان من اللي يتمشوون بسيارتهم

البنات هذولي مايحبن يعرفن اي واحد من ديرتهن يخافن يعرفهن ويفضحهن

اكثر ماكانوا يكلموون هالبنات شباب الرياض

شيهانه(بنات اقول ماودكن نرجع مابه احد يفتح النفس على هاليوووم)

الهنووف(شيهانه مابه جديد الشكوى للله من زمان عيني ماشافت اطخم

هيفا حاطه يدها فوق البرقع(هالحركه مشهوره عند الللي يلبسن براقع)

مهره:اقول تغطن انت يالهنوف وشيهانه جا الرادرات(مجموعه من البنات لابسات براقع)

مر هالرادار قدام شيهانه ولاتغطت وكانت عيوون شيهانه معروفه بالديررره لان عيونهم

مميزه

شيهانه(تقول بخاطرها لما مرن على هالمجموعه خييييير وش تبن والله من الحش اذا

رجعن شفنا شيهانه ومتبرجه يالله ياربي تفرجلي من هالديره ومن هالرادارات)

هنوووف:شيهانه شفتيهن يوم مرن وش قالن

شيهانهمتنرفزه عشانها ماشافت اطخم ملى عينها وش قالن بنات الكلب)

هنووووف:حرام وش دخل ابوووهن لاحووول خلاص ماراح اقولتس

شيهانه:معصبه وحاجبها طالع نصه من تحت البراقع بتقولين والا صكيت هالشنطه فوق

راستس

هنووف:ميته ضحك ياحبيلتس اذا عصبتي قالن يوم مرن علينا((اعوذ بالله وش هالتبرج

كانهن رايحات لعرس))

شيهانه:ههههههههه والله من الغيره عشان عيوننا احلى من عيونهن ياكرهيلي اللي

تسوي مثاليه وهي من تحت لتحت

مهره:اقول االله يلعن اللي يروح معكن مره ثانيه افضحنا قدام الناس ذلحين تلاقن

هالبنات من معارفنا وبيفضحنا بكره والسبب تبراجكن

شيهانه:والله من التخلف هذا عشانا حاطين كحل بس اجل لو كاشفات ولابسات عباية

كتف كان وش سووون

هنوووف:هههههههههههه كان والله تشوفين علومنا عند اخبار سي ان ان

هيفا:اقول لايكثر بس كلمن السواااق

شيهانه:تلتفت للاطخم صاحب المحل بنات هذا من زينه ذلحين عشان البنات يموتن

عليه لا ومغتر بعد

مهره:شيهانه اقول لايكثر بس والللله انه مو شين

دانا:صادقه شيهانه مايعجبني حتى انا

هيفا:اقول دانا وش رايك تسكتين ابرك لك من سمع كلامك قال هذا وش قايل خويها

بالله عليك دانا من جدك عاجبك خويك هالبط وعععععع يلوع تسبدي اذا مشي

دانا:اقول تكفين ياللي خويك يشبه سعود بن عبداللله \\امانه باسالك هيفا من متى

ماتروش خوويك

هنووف وشيهانه ومهره:فاطسات ضحك

هيفا:عادي عاجبني اهم شي انه بدوي من ثوبي مو ..............زي بعض الناس

دانا:عصبت هيفا احترمي نفسك قبل لايجيك حكي غير هذا

مهره:بس اهجدن عشان شباب مايسون ماطي رجولكن بتتخانقن اجل لو تعرسن

وش بتسووون كل وحده بتجلس تحارب الثانيه عشان رجال

مهره:تكلم السواق انت وينك يالزفت

السواق:قريب ماما

مهره:ماما بعينك كم مره اقولك قول مدام لاتقول ماما

السواق اكبر ملكع لانه عايش مع البدو اكثر مما عاش مع اهله(خلاص مافيه قرقر واجد

انا قريب )

ركبن البنات بالسياره ولما وصلن للبيت حبن يخفن اثاري الجريمه شيهانه والهننوف

وهيفا غسلن عيونهن من الكحل

دق جوال دانا:المتصل كان عبدالعزيز(البوي فريندبتاعها)

دانا:الووووووووووو

عبدالعزيز:هلا بقلبوو وينك

دانا :مع البنات انا قايلتلك ومستاذنه منك

شيهانه كانت قريبه عند دانا وتسمع هرجها وتقول بنفسها (هذي من جدها تحكي

تستاذن منه اذا طلعت يخسي اي رجال استاذن منه عشان اطلع \\ياحرام مصدقه

انه يحبهامالت بس على المخفات اللي زيها

هيفا:هالبنت خويها معطيها اشكل دايم هي اللي تكلمه وهوماينزل نفسه ويحاكيها

الهنوووف:تركب شريحتها الثانيه وتشوووف من الخرفان اللي اتصلوا بها

مهره:تراقب الوضع من بعيد وتدعي لللبنات بالهدايه

شيهانه:تشوف جوالها الثاني من كلمها نايف او سعد اوبندر او....................الخ

هنووف:شيهانه تعالي ابيتس بسرعه

شيهانه:هاه وش تبين

هنووف:امس مابقي رقم مميز ماتصلت عليه وشبكت مع اثنين منهم وطلبت يرسلولي

صورهم وسائط

شيهانه:امانه هنوووف وبيرسلونها ذلحين

هنووف:ايه ولا فيه واحدمنهم مغرور وشايف نفسه ويقو ل ابيتس تذكرين اللله اذا شفتي صورتي

شيهانه:باللله ومن يطلع هذا طال عمره لايكوووون توم كروز على غفله تشوفينه غيفه

ذلحين وقولي ماقالت شيهانه اي واحد شين تلقينه يمدح نفسه بس الزين دايم واثق

من نفسه مايمدح عمره ابد

الهنوووف:وش ورانا خلينا نشووف بس اذا طلع شين سحبت عليه زيه زي غيره

الصااااااااااااااااااااااااااااااااااااااااعقه\\جا ت الصوره وطلع عبد وكلنا عبيد لللللللله

شيهانه:فاطسه ضحك

الهنوووف:استحاله يطلع هو يمكن يبي يختبرني يمكن مرسل صورة عبده

شيهانه:عيونها تدمع من الضحك اقول هنوووووف والله انه مو شين لايق عليتس

هنووووف:تطالع شيهانه بحقد شب لالعن ابو ابليستس

شيهانه: غارقه بالضحك هنوووف خلاص باقطع علاقتي فيتس اخاف يجيتس

زار وينتقل فيني

هنوووف:جمبها كوب موية تكبه على شيهانه

رن جوال الهنوووف وكان المتصل العبد يبي يشوف راي هنووف فيه

هنووف:تسفه الاتصال وتقول لشيهانه وش اسوي

شيهانه:عطيني جوالتس اذا ماخليته يتوب عن المغازل مااكوون شيهانه

راحت شيهانه ترسله رساله(شوووف يالخال مره ثانيه لاتتصل بعماتك دور لك وحده

زيك يالله يابابا امسح الرقم ولااشوفك تتصل

المسيكين مارسل رساله تفشل

هيفا من بعيد تعابير وجهها معصبه(ماهي غريبه دايم هالطعس يعكر مزاجها)

ودانا غارقه بالحب تحاكي حبيب القلب

باب الغرفه يطقه احد \\البنات تلعثمن اللي قفلت واللي خشت جوالها الثاني فتحت

شيهانه الباب كانت امها(اقول بنات عندي لكن علم لو اقوله لكن ماراح تمسن ابد

ام مهره وشيهانه:قلبها طيب مره وكانت مرحه وتشك بالبنات ودايم تنصحهن بس

باسلو ب حلوو مثل يابنات ترى شباب هاليوم نصابين ويفضحوون انتبهن لانفسكن

تراكن بنات قبايل\\بنات قبايل هالكلمه كانت تمقتها شيهانه لان عادات وتقاليد بعض

البدو تعقد الواحد

المهم وش تتوقعوا الخبر الي بتقولها ام شيهانه للبنات؟

انا عارفه ان بعضكم بيضحك بيقول معقوله فيه بنات كذا ماكان الخبر طلعه لاوربا

ولا طلعه للبنان كان طلعه للرياض وآآآآآآآآآآآآآآآآآآآآآآآآآآآآآآآآآه يالرياض لاتسالون ليش

هالبنات يحبن الرياض لان السبب واضح

شيهانه نقزت فووق الهنووووووووف لولللللللللليش يعني اخيرآ بنشوف طخمان

ام مهره:وجعن يوجعتس وش هالحكي

شيهانه:تستميل امها يمه لاتلوميني من زمان عيني ماشافت مزيوون غير اخواني

البنات:وععععععععععععع من زين اخوانك

البنات راحن لبيوتهن كل وحده تجهز للرياض\\شيهانه تجهز البرقع والكعب اللي

ماتستغني عنه لانه اقصر وحده بالشله على ان طولها169بس البنات فيهن شفاح

طووول

هنوووف:تجهز العبايه المخصره لان جسمها فاتن مرررررررررررررره

هيفا:تجهز صندل مريح لها

البنات استعدن للرحله اللي بتستمر اسبوووع ماكان بيطلع معهن الا ام مهره ولا راح

يطلع معهن الا بودي جارد واحد اللي هو اخو شيهانه كان عمره9 سنوات واحلى مافيه

انه مايطلع للاسواق مع البنات\\البنات يوم وصلن للرياض رفعت شيهانه برقعها

يالبيه ياهوا الريااااااااااااااض غير شكل\\هنووف تقلد شيهانه ايه والللله \\كان وقت شتا

وغيم\\البنات توهن واصلات الظهر مامداهن حتى يتنفسن الا استاذن والده مهره

شيهانه:يمه انا والبنات نستاذن منتس بنتغدا ونجيب لتس غدا وبنجي

ام شيهانه:طيب لاتتاخرن ينزلن البنات وكان الجو موطبيعي غيووووووووووم ومطر خفيف

مهره:قلبها يرقع لانها البنت الوحيده الخوافه بالشله ياويل قلبي هذولي وش بيمسكهن

ذلحين بالرياض \\شيهانه:ذلحين مو فشله نوقف تاكسي كنا قرويات لو انا جايبين سواقنا

كان ابرك لنا

مهره:لاانشالله عشان ننفضح صدق عاد شباب الرياض مهبل كان بيجووون تاريخ سيرتنا

من لوحة سيارتنا لاوالله اشوى انه ماجا

شيهانه:مهره ذلحين انتي اللي متى متعقده وانا اختس عيشي حياتس قبل تعرسين

وتسجنين

مهره:مخليه الهبال لتس الله يعافيني مما بلاكن

هنووف:تستعرض بعبايتها المخصره

هيفا:تشوف جوالها يمكن الطعس خويها اارسلها رساله

دانا:جاتها رساله من حبيب القلب يقولها تك كير

شيهانه:تتامل السيارات ووتتعمد ماتاخذ تاكسي عشان تشوف الطخمان اللي قدامها

مهره:شيهانه ووجع ذلحين معطيتنامحاضره عن الحضارة والتمدن ولابسه كعب انا اشهد

انتس قرويه فيه احد يلبس كعب ذلحين الناس تلبس صناديال واطيه او جزم سبووور

وانتي تتدقدقين بهالكعيب

شيهانه:اقول اهجدي بس وليش قرويه عشان كعب ترى هذا من اولدو شاريته ب300

جعله المسرع واستحاله اني البس شي واطي عشان اطلع قزيمه بينكن

وقف تاكسي بينهن وركبن البنات وطلعن للفيصليه عشان ياخذن غدا

شيهانه:هنووف ماش لاذلحين ماملت عيني وين الطخمان

هنووف:شيهانه ذلحين احنا بالظهر وتلاقينهم اللي نايم واللي بدوامه واالي بجامعته

لايجي على خاطرتس اذا جت الساعه 9 طلعنا لشارع التحليه عشان تشوفين طخمان

شيهانه:بالله احلفي عشان يقولون وش هالطقاقات اللي جايات مع تاكسي

دانا:بنات انا صديقتي عطتني اسم شركه نستاجر سياره مع سواقه وناخذه طول اليووم

شيهانه:والله وانتي ساكته مالتس عليتس توتس تحكين يعني لو اطلب سياره بي ام

دبليو جابوها لي هلا والله وناااااااااااااسه امنيتي اركب عليها

هيفا:بي ام بعينتس تدرين كم ايجارها

هنوووف:ههههههههههه ياحليلها شيهانه خيالها واسع

مهره:بنات شوفن هالبنات اللي جايات كانوا البنات كاشفات وماعليهن غطا بس شيناات

شيهانه:معصبه ذلحين ذولي من زين خشتهن يومهن كاشفات قولي شغالات

هنوووف:هههههه الله يقطعتس ياشيهانه خلاص وش رايتس اذا طلعنا للتحليه تلثمنا

شيهانه:تكفين ياهنووووف ترى العمر مرررررررره خلينا نعيش

مهره:اقول اقضبن ارضكن قال يكشفن قال عشان صوركن بالبالتوث والنت

شيهانه:بنات ذلحين هذي مهره متاكدين انها اختي

البنات:ههههههههههه لا والله شاكين

رجعن البنات العصرو نامن شوي بس شيهانه والهنوووف قلوبهن تطقطق على الطخمان

دانا راحت كلمت الشركه واستاجرن سياره مع السايق ونزلن البنات

كانت شيهانه وهنوف مخططات يكشفن بس بعد مايركبن السياره

كانت السياره فورد اسوود والسايق هندي حليووو يعني بنحلل فلوسنا ونطلع عيونه

معنا اليوووم\\طلعن البنات للتحليه ونزلت شيهانه والهنوف رووسهن كانهن يسوون

ربطة صنادلهن وافسخن براقعهن وحطنها بالشنطه

شيهانه:كانت حاطه ميك اب خفيف اما هنوووووف الله يهديها مغرقه نفسها بالميك اب

طلعن البنات وشارع التحليه مليان بالطخمان كان يوم الاحد ووقت مدراااس

هنوووف جمب النافذة وجمبها شيهانه وبعدها هيفا ودانا ومهره على النافذه الثانيه

بداتت تجمع السيارات على سيارة البنات \\مهره:الله ياخذكن انبسطتن ذلحين اقول تغطن

لاحط الجزمه على راستس انتي وياها ترى هذولا لعيال الرياض مااحد يناقشهم ابد

الخوف ماله مكان بقلوبهم

دانا المسكينه يتصل عليها عزييييز: والشباب حول البنات... دانا ترد هلا عزيز ولان اصوات

الشباب كانت واضحه واللي يصارخ واالي يطق النافذه قال عزوز لها دانا وش هالاصوات

دانا سكتت قال انتوا وينكم بسرعه جاوبي ولان داناصريحه بقوووه علمته انهم بالتحلية

قفل بوجهها وقال خلي شباب الرياض ينفعونك دانا انجنت حسبي الله عليكن \\هنووف

وهيفا وشيهانه كانن مبسوطات حتى مرت رنج جمب هنوووف كان فيه اسود يسوووق

واللي جمبه خياااااااااااااال وش هالجمال شيهانه والهنوف والبنات الباقيات يناظرونه

وسعابيلهن تقطر وش هالخشه وين هذا جاي منه على كثر ماهالبنات شافن طخمان

بالرياض ماشافن زي زين ذاك الولد المهم السايق طق نافذة هنوووف وقال له:لو

تكرمتي معكم منديل يبيه اللي جمبي البنات مذهولات من خشة هالشاب والسيارات

اللي حولهن كانوا طخمان وسيارات رزه بس هذاك اللي بالرنج غيررررررررر

هنوووف:شيهانه يبي منديل

شيهانه:هاااااااه وش يبي

هيفا:الله يفضحكن بيقول مشفوحات ماشافن خير اقول اثقلن

هيفا ترد على السااااااااااااااااايق وتقول:ذلحينن انتوا رزه بهالسياره ومنديل مامعكم

ماتنلامووون هذا من الايجارات شي اكيد ايجار سيارتكم غالي عشان تفشخروا على

البنات>>مسويه نفسها ذكيه البنت عشان سيارتهن وسواقهن بالايجار تظن اللي

جمبنا زيه صدق من قال كلن يرى الناس بعين طبعه المهم رد عليها السايق وقال

احنا ماسالناك سالنا اللي جالسه يم النافذه كان يقصد هنوووف قالت هنوووف لا مامعنا

قال طيب باااااااااااي
راح وخذا قلب البنات معه المشكله ان الاطخم ماتكلم من زود الثقل كان السواق هو

اللي يحكي.

شيهانه:هنووف انا بيغمي علي

هنووف:حتى انا

هيفا ودانا:هههههههههههههههههههههه الله يثبتكن بس

مهره:تدعي ان الله يرجعنا بالسلامه

فتحوا هنووف وهيفاوشيهانه بلوتوثاتهن وخذن من الارقام لين شبعن بس ذاك خرق قلب

كل وحده فيهن.

تخيلوا وش صار بعد هذا؟

اذا شفت تفااعل وعجبتكم نزلللت البااااااقي........

--------------------------------------------------------------------------------

البنات رجعن للشقه بعد الساعه2 الليل وبعد مامهره طلعت روحها

ام مهره:وجعن يوجعكن وينكن فيه كان نمتن برا

شيهانه:ترد على امها يمه ترى هذي ماهي الديره نرجع عشر بالليل هذي الرياض ولان

شيهانه قاطه الميانه شوي مع امها قالت(يمه احمدي ربتس انا رجعنا هالوقت مارجعنا

5الصبح)

ام شيهانه:اقول اكلي تبن وانقلعن داخل الشره على اللي بيجيبكن للرياض مره 2

يالمراهقات(هالكلمه سامعتها ام شيهانه من التي في وازعجتنا فيها)

البنات كانوا تعبانين وبالذات مهره المسيكينه اللي وقف قلبها من الخوووف \\ولاننسى

دانا اللي حبيب القلب زعلان عليها\\اما هيفا يوم شافت الطخمان نست خويها\\

الهنوف وشيهانه يتصلن على الارقام اللي جاتهن بلوتوث.

اليوم الثاني تصحى شيهانه من ضحك مهره وقت الظهر

شيهانه:مهره وجع خير وش فيك تضحكين على هالصبح

مهره:صبح بعينك لايفوتك تعالي شوووفي هيفا لاتفوتك

شيهانه:خير وش فيها هالرجه

مهره:شيهانه بسرعه لايفوتك عينها قارصتها ناموسه

شيهانه:تصحي بسرعه وتشوف عين هيفا عشان تحب تضحك دايم على البنات

شيهانه:هيفا يمه عينتس تخرع يعني خلاص امسحي من بالتس تطلعين اليوم

هيفا:معصبه وحاطه كمادات بارده على عيونها(اقول طسي من وجهي تراني مو رايقه

لتس.

شيهانه تجلس جمب مهره فاطسات من الضحك والله يكون بعون هيفا طاحات بلسان

مهره اللي استحاله تسكت على الموضوع\\مهره اقرب وحده لهيفا وتنبسط اذا عصبت

هيفا لان شكل هيفا يفطس من الضحك اذا عصبت

دانا وهنوووف يدخلووون ويسالون خير وش فيكن تضحكن؟

مهره:بنات شوفن عيوون هيفا

البنات:يمه وش فيها عيونها قول مطقوقه بوكس على عينها

هنوف تبي ترفع ضغط هيفا(هيفا لو سمحتي ماابي امشي جمبتس اليوم عشان

ماتفشل)

هيفا:موووتي قهر بامشي جمبتس وباقول ترى هذي اختي عشان الشباب يطقون

منتس

هنوووف:فاطسه ضحك خلاص باقول هذي شغالتنا طاقتها امس بعينها عشان

ماجابتلي موويه

هيفا:تخسين مابقى الاانتي اكوون شغالتس

مهره تدخل وتهدي بين البنات اقول وش رايكن نتغدا برا

هيفا:معصبه انتي من جدتس وعيني وش اسوي فيها

شيهانه:عاااااااااااادي البسي نظاره شمسيه فوق البرقع عشان تطلعين بدويه متحضره

هيفا:فاطسه ضحك والله ماهي شينه

شيهانه:هيه انتي ترى امززززززح لااحد يفشلنا ويسويها عاد من زين نظارتس

الشمسيه اللي شاريتها من البقاله اللي جمب بيتكم ب10 ريال

هيفا:تكفين يام الماركات شريتي نظاره شانيل وازعجتينا

شيهانه:احسن من اللي ماعندها الا نظارات الهنوود

قرررت هيفا ماتطلع وتنطق بالشقه\\اما البنات طلعن وتغدن برا وفلوها وناسه وجابوا

لام مهره وهيفا غددا معهم.

الساعه9باليل شيهانه تتكشخ اخر كشخه وهنووف زيها اما دانا كانت مررره سيمبل

ومهره زي العاده عادي وهيفا عينها خفت وبرضو عادي كشختها

ام مهره طلعت تزور خويتها اللي بيتها كان بحي الملك فهد لانها تكره اسوووواق البنات

اللي يريحوون لها

البنات طلعن للممملكه وطلعن فوق بعالم المراه هنوف وشيهانه ودانا وهيفا كشفن

اما مهره ماكشفت خايفه ان وحده من هالبنات تلقط لها صوره(هالبنت متعقده من يوم

ماجات البلوتوثات)

شيهانه:تمشي مشية الطاوس وكانت ملامحها هنديه عيوونها كبار ووجها افدع وشعرها اسود

هنووف:ملامحها ناعمه بيضا وجسمها كانهو جسم جنيفير لوبيز وشعرها اسود

هيفا:نحيفه وشعرها قصير وملامحها جذابه

دانا:ملامحها ملامح بدووويه حواجب عريضة وشعر اسود طووويل

هنوف وشيهانه مايناظرون باي بنت لانهم يحبوون ان البنات اللي يناظرون فيهم\\

اما دانا رافعه حاجب ومنزله حاجب \\ومهره كانها رادار ببرقعها مافسخته وتطالع يمين

وشمال تشوف احد يصورنا لان الجوالات اللي بالكاميرا مو ممنوعه بعالم المراه

هنووف:شيهانه شوفي هذيك البنت ياحلو ملامحها لاتفوتك بس لاتناظرينها ذلحين

عشان ماتدري انا نحكي عليها شوفيها بعد شووي

شيهانه كانت رافعه شعرها فوووق زي تسريحه المبهذله (هنوووف عاديه مافيها ملح)

هنوووف:تضحك بشويش عشان ماتطلع اسنانها مسويه فيها ذربه(اقول شيهانه الله

يقطعتس من هالغيرة ماتمدحين ابد)

شيهاانه:اي غيرره وعععع انا شوشو اغير من هالطقاقه خشتي ازين منها

دانا وهيفا يدخلوون بالموضوووع واللله ياشوشه قصدي ياشوشو البنت مزيونه

بس انتي الله يهديتس ماتمدحين احد

شيهانه:طيب انطمن وحسنن اسلوبكن ترانا بعالم المراه شوفن اسلوب بنات الهاي

كلاس تعلمن منه انتن واسلوبكن

دانا:تكفين يام الاسلووووب موفرينه لتس

شيهانه:اقول بنات احنا جايين لللرياااض عشان نشوف بناتهم ولا شبابهم اقول

خلنا نطلع ندور بالشووااااااااارع ونصيد لنا كم صيده

هنوووف:اقررب وحده لشيهانه لان افكارهن متشابهه(ايه والله صادقه شوشه هانم)

مرن بويات قدام هالبدويات

دانا:ياطرجيبي (معناها يعني ياويلاتاه)وش ذولي مسترجلات

هيفا:لااحد يسمعتس هذولي بويات

دانا:كلها زي المعنى يمه شوفي كششهن وش فيها طايره قولي شافطهن كهرب

شيهانه:هذي موضه لااحد يسمعتس يالبدووويه

دانا:امحق موضه كانهن خبل حرام على هالبنات بهالحلاوة مسترجلات

مهره:دانا وش رايك نشبكك مع وحده منهن

دانا:بسم لله علي ليه قلوا الرجال

مروا البويات على البدويات وكانوا يناظرون دانا شكلهم يبون يشبوكنها

دانا:بنات خلنا نطلع قبل يخطفني

شيهانه:ياليت عشان نفتك منتس

هنووف:ماعليتس اادبهن لتس ذلحين

بنات البدو دايم لسانهم طووويل بس زي هنننوف ماشفت في اللسان

مروا البويات مره ثانيه على البنات

هنوووف:خيييييييير فيه شي

شيهانه:تناظرهن من فوق لتحت خليهم هنووو مسكينات ماشافن خير ماعمرهن

شافن مزيونات

البويات وحده منهم ترد ووكانت طووويله بس البنت مررره كيوووت (هههههههه لا

ماعمرنا شفنا مزيونات ممكن رقمكم)

هيفا:اقول استحي على وجهتس وانقلعي

بدا شجار بين البنات ووتجمعوا حولهم كل البنات اللي بعالم المراه حتى جات حارسة

الامن وطردت البدويات والبويات

هنووف:بنات ال............. والله لو ماسحبتني منهن كان بالجزمه فوق خششهن

عشان يعرفن ان الله حق ويتوبون من الاسترجال مره ثانيه

مهره:اقول انا باتسووق باروح لدبنهامز فيه احد بيروح معي؟

دانا:باروح معتس

هيفا تغمز عينها على شيهانه وهنووف

هنووف وشيهانه فهمنها

تبوون تعرفوووووون وش فهمن؟

هالحركه يسونها اذا بغن(ارادن) البنات يهربن من المجموعه طلعت هيفا وشيهانه وهنوووف بالليموزين

ومهره ودانا بسوووق الممملكه يتسوووقن مايدرن ان البنات طلعن

هنوووف تركب الشريحه الثانيه اما شيهانه تطلع جوالها الثاني وهيفا تراقب السيارات

هنوووف:بنات وش رايكن اكلم اللي رقمنا امس بالبلوتوث ترى واضح عليه ولد عزز

خليه يشوفنا

شيهانه وهيفا ماهي شينه.

كلمت هنووف الولد وقالتله يجي بالتحليه

فسخن البنات براقعهن وتلثمن وكان سواااق الليموززين يراقب الوضع وساكت\\جا

خويي هنووف وافتننه البنات كان طويل وابيض ومشخص جلس يطارد البنات من بعيد

وطلب من هنووووف تفتح شباكها لما فتحته كان اسمه ثامر

ثامر:هاي بنات كيفكم

البنات:بخير

ثامر:بنات انا عازمكم على العشا

هنووووووووووف:تجامله لا ياقلبووو ميرسيه

شيهانه:عادي هنووو خليه يعزمنا فلوسه واجد

هيفا:وجع مابقى الانطلع مع الشباب احنا نغازل عااااااادي بس انديت ممنوع عندنا

ثامر:طيب براحتكم انا استاذن هنووووو لاني مشغوول

هنوووووووف:اوكي باي(تقو ل بقلبها فكه عشان اخذ راحتي بالمغازل مع البنات)

شافوا الشباب بنات بالليموزين ولا متانقات كانت هننوووو حاطه كحل خفيف \\اما شوشو

كانت حاطه كحل ازرق داخل بس العين\\ اما هيفا كحلها واصل لاذنها تبي توسع عينها

رن جوال شوشو كانت المتصله اختها مهره شوشو كانها مو شايفه الرقم

اتصلت مهره على هيفا برضو سافهتها

واتصلت على هنووف كان مقفل

عرفت مهره انهن طلعن وجلست تلعنهن عند دانا

البنات بالليموزززين وكانت السيارات متجمعه حولهن وقفن عند محل بالتحليه كان

النادل برا ياخذ الطلبات وكان محل عصيرات

جا النادل عندهن وكان فلبيني يسالهن وش يطلبن بس بالانجليش

البنات تلعثمن حتى ردت هنوو عليه قالت له دو يو سبيك عربي قال لها نووو

عرفن البنات انهن ابتلشن حتى تذكرررت شوشو اسم البرتقال بالانجليش قالت اورنج

وجلس يسالهن تبن الكاس كبير او متوسط اوصغير برضو بالانجليش البنات بدان

يتلفتتن على بعض وميتات ضحك من الفشله \\حتى انقذهن واحد كانت سيارته

همر اسووود مظلله نزل من سيارته كان نعووم مره ونافش كشته زي البويات اللي

شافنهن البنات بعالم المراه وجاوب هالولد على النادل \\هيفا التفت لصاحب الهمر

تبي تشكره تخيلوا

وش قالها؟

دامكن ماتعرفن انجلش رازاتن وجيهكن هنا ليش لا وراكبات بعد ليموزين

شيهانه عصبتسوري قلبوووو احنا مانحاكي

بنات بس نحاكي شباب)

تعرفون وش قصدها؟

لان الولد كان نعووم مررررره ولابس جينز شوي وبيطيح من خصره

الولد قرب عند نافذه هنوووووووف وطلب منها تفتح نافذتها عشان يحاكي شيهانه

هنووو رفضت الولد يصر وهنوووو ترفض

هيفا:جعلتس المسرررع ياشوشه ذلحين انتي عارفه ان شباب الرياض مايطيقون

اي بنت تطول لسانها عليهم ذلحين تحملي وش يجيتس اقول هنوو افتحي النافذه

خليه يربيها

شيهانه:اقول لاتفتحينها ياهنووو هذا شكله راعي مخدرااات شوفي وشلون عيونه

من تحت سودا

هنووف:دامتس عارفه ذلحين وش يفكنا منه

صاحب الهمر جا عند سوااق الليموزين طلع من جيبه 500 ريال

قال لصاحب الليموزين افتح النافذه وباعطيك اياها

سواااق الليموزين هندي وانتوا عارفين الهنود يصدعووون اذا شافوا ريال وش بالكم

ب500

هنوووف:ابو.................لاتفتح النافذة كسرت كعب شوشه على راسك

الهندي خاف وجلس يهز راسه على صاحب الهمر

جات الطلبات ولازم البنات ياخذنها ولازم يفتحن النافذه

شيهانه:هنوووف افتحي بس النافذة واعلى مافي راسه هالخ........ يسويه

هنوووف:طيب

تنفتح النافذه والشاب يدخل راسه جو النافذه ويسحب لثمة شوشه ويطالعها منبهر

وشوي معصب شوشو تضرب يده وتزين لثمتها

صاحب الهمر:شوفي ياام لسان اذا ماخذيتي رقمي ذلحين وتتصلين علي قدامي

صدقيني لاوديك بستين داهيه

شيهانه:معصبه وخايفه اعلى مافي راسك سووه

صاحب الهمر:ترى ماتعرفين انا ولد مييييييييييين

شوشوه:وخير يعني

هنووف خلاص عطنا وبتتصل \\ويعطيهم الرقم \\وهيفا تقرص شيهانه برجولها اقول انطمي

هذا شكله ولد عز خلي الليله تعدي علي خير

لما اتصلت هنووف قدامه قال عطيه للي جمبك شيهانه لازالت مصره على رايها البنت

عوبا(شريره)ماتبي تحاكيه

صاحب الهمر يعني مارح تتكلمين

شوشوه:تطالعه من فوق لتحت وترفع حاجب لا

صاحب الهمر:طيب انزلي ابيك تركبين معي السياره

شيهانه:واثق من نفسك كثير ليه قلوا الشباب عشان اركب مع خكري زيك

صاحب الهمر عصب:من الخكري يابنت...............

هنوووف:تحاول تهدي الموضوع ياابن الحلال خلاص روح ماتصلت قدامك وعطيناك الرقم

صاحب الهمر:انتي شب ولاكلمه انا احاكي هذي مااحاكيك

شوشو:تضحك بصووت عالي تبي تقهره بس انا ماابي احاكيك اووووووووووف

هيفا:لازالت مستمره تقرررص رجول شوشو جعلتس المسرع اسكتي

صاحب الهمر:طيب انا اوريك

تخيلوا هالسخيف وش سوى بشوشه

خذا العصيرات اللي طلبنها من النادل وكبها عليها

بعض العصير جا على وجه هنووو وكل العصير على شوشه اما هيفا ماجاها شي

هنوووف:فاطسه ضحك ههههههههههههههههههه

شوشوه:معصبه ودموع غارقه عينها تطالع صاحب الهمر بقهر بس مسكينه البنت

ماتقدر تسوي شي السيارات كانت متجمعه على البنات فاطسين ضحك

صاحب الهمر:مرة ثانيه لاتطولين لسانك على اسيادك

شوشو:لازالت ساكته ودموعها بعينها بس هالبنت غريبه اذا دمعتها طلعت اعرف

انها ماتطلع على سهوله

صاحب الهمر:ههههههههههههههههه ياحرام يالله ياماما انزلي روحي تروشي

شوشه:لازالت ساكته وكانها مصدومه

هيفا:عرفت ان شوشو انهارت حاولت تهدي الوضع شوشو عادي حبيبي ترى حتى

هنووو متغرقه زيك

هنووف:حاولت تمسك ضحكتها شوشو ترى الوضع عادي قهرتي الولد وهو ردها لك

شوشو:تطلب من الليموزين يتحرك ويوقف عند اقرب مطعم للعوايل بالتحليه عشان

تنزل للتواليت تمسح العصير منها

صاحب الهمر:طلع لسيارته بس قلبه حن على شوشو لانها ماتكلمت ولاكلمه عليه

ولاحتى سبته اما السبب الكبير انه مفتوووووون فيها بعد ماشاف وجهها \\بس حب الولد

يقطع لها لسانها طلع ورا الليموزين زيه زي السيارات الثانيه.

نزلت هنوووو وشوشوووو لمطعم قريب عشان التواليت اما هيفا كانت مشغوله بحفظ

ارقام الشباب

هنوووف داخل التواليت:شوشو حبيبي وش فيك ساكته لاتكبتين بكيتك عادي قلبووو

طلعيها ترى الوضع عاااااااااااااادي انا زيك انكب علي

شوشو:بصووت هادي هنوووف خلاص غسلتي اطلعي برا تواليت ابي اجلس مع

نفسي شوي

هنوووف:تعرف شيهانه اذا عصبت او بالاحرى بكت ماتحب احد يشوفها عشان كذا

احترمت طلبها وطلعت

شيهانه:جلست تبكي حتى دخلت عليها وحده من اللي كانت داخل المطعم وشافتها

شيهانه تحاول تمسك نفسها وتغسل العصير اللي بوجهها وبطرحتها اكثر شي\\

طلعت شيهانه وشافت السيارات حول البنات وكان صاحب الهمر معهم حاولت شوشو

تقهره وتخلي كأن الوضع عادي راحت كشفت بوجهها وخلت الطرحه طايحه على كتوفها

هيفا وهنووف يطالعون الوضع من بعيد مصدومات

الشباب استجنوا على شوشو لانها كنت مرررررره كيووووووت اما صاحب الهمر

ارتفع ضغطه لان الشباب شافوا خشة شوشو وكانها وحده من خواته

لما قربت شوشو من الليموزين كان فيه احد ينغزظهرها من ورى توقعوا مين؟

التفتت شيهانه تشووف اللي ينغزها من ظهرها شافت................................

الاطخم اللي ماتت عليه هي والبنات بالتحليه تخيلوا وش قال لها...................

.................................................. .....................................